អន្តរជាតិ៖ សភាជប៉ុននៅថ្ងៃអង្គារ ទី១ ខែកុម្ភៈ បានអនុម័តដំណោះស្រាយមួយស្តីពី «ស្ថានភាពសិទ្ធិមនុស្ស» នៅក្នុងប្រទេសចិន ហើយបានអំពាវនាវឱ្យនាយករដ្ឋមន្ត្រីជប៉ុន Fumio Kishida ចាត់វិធានការដើម្បីបន្ធូរបន្ថយស្ថានការណ៍ ខណៈដែលកីឡាអូឡាំពិករដូវរងានៅទីក្រុងប៉េកាំងនឹងប្រព្រឹត្តទៅប៉ុន្មានថ្ងៃខាងមុខទៀតនេះ។

ដំណោះស្រាយដែលត្រូវបានអនុម័តដោយសភាជាន់ទាបបាននិយាយថា សហគមន៍អន្តរជាតិបានសម្តែងការព្រួយបារម្ភលើបញ្ហាដូចជា ការធ្វើអន្ដរាគមន៍ និងការរំលោភលើសេរីភាពសាសនានៅក្នុងតំបន់ស្វយ័ត ស៊ីនជៀង អ៊ុយហ្គ័រ ទីបេ និងហុងកុង។

រដ្ឋមន្ត្រីការបរទេសជប៉ុនលោក Yoshimasa Hayashi បាននិយាយនៅក្នុងសម័យប្រជុំសភាថា ប្រទេសជប៉ុនបន្តសម្តែងការព្រួយបារម្ភអំពីបញ្ហាសិទ្ធិមនុស្សទាក់ទងនឹងជនជាតិ Uyghurs នៃតំបន់ Xinjiang ។

លោក Hayashi បាននិយាយថា៖ «យើងបានធ្វើការដើម្បីធ្វើកិច្ចសហប្រតិបត្តិការជាមួយបណ្តាប្រទេសផ្សេងទៀតទៅលើរឿងនេះ»៕